Kryeministri i Shqipërisë, Edi Rama, ka udhëtuar drejt Hagës për të takuar ish-presidentin e Kosovës, Hashim Thaçi, i cili mbahet në paraburgim atje.
Rama theksoi se ky takim vjen pas një periudhe të gjatë nga takimi i fundit me Thaçin, duke përmendur se ai vazhdon të mbahet në qeli në Hagë, gjë që e konsideron një turp për drejtësinë ndërkombëtare. Kryeministri shqiptar kritikoi procesin gjyqësor, duke vënë në dukje se ish-presidenti dhe tre bashkëluftëtarë të tjerë mbahen të mbyllur pa një dënim të formës së prerë, dhe kundërshtoi dëshmitarët e prokurorisë, ndërsa lavdëroi ata të mbrojtjes.
Ai shprehu shpresën që viti i ardhshëm të sjellë përfundimin e këtij procesi, që e përshkruan si një teatër absurd i drejtësisë. Rama vuri në pah se tani, pas përfundimit të paraqitjes së provave nga prokuroria dhe dëshmive nga mbrojtja, pritet vendimi përfundimtar në këtë çështje.
Leave a Reply