Nicolas Maduro, presidenti i Venezuelës, u paraqit në një gjykatë në Nju Jork për t’u njohur me akuzat që rëndojnë ndaj tij për përfshirje në narko-terrorizëm dhe armëmbajtje.
Në përgjigjen e tij, ai mohoi fajësinë dhe theksoi se mbetet në pushtet. Sipas gazetarit Sisi De Flavis, grupi i armatosur i njohur si “El Colectivo” ka marrë detyrën për ruajtjen e autoritetit të qeverisë së Maduros, e cila aktualisht drejtohet nga zëvendëspresidentja Delcy Rodriguez.
De Flavis, duke folur për “Off the Record” në A2CNN, theksoi se situata në terren është e tensionuar, duke e detyruar atë të anulojë intervistat ndërkombëtare. Ajo shton se publikimet neutrale të bazuara në fakte janë bërë të pamundura për shkak të presioneve qeveritare.
Ndërkohë, një urdhër kombëtar udhëzon policinë të ndjekë dhe arrestojë çdo person që mbështet sulmet e supozuara të SHBA-së, duke e dorëzuar atë në sistemin e drejtësisë për gjykim. Në këtë klimë, liria e shtypit mbetet e kërcënuar.
Leave a Reply