Reshje bore nesër, më pas temperatura të ulëta

Të dielën, reshjet e borës do të shfaqen periodikisht në disa zona, ndërsa në pjesët perëndimore vranësirat do të shpërndahen më vonë gjatë ditës.

Temperaturat do të qëndrojnë në nivele negative, duke luhatur ndërmjet -5°C dhe -2°C. E hëna sjell acar të fortë, me temperaturat minimale që pritet të zbresin deri në -11°C, ndërsa ato maksimale do të qëndrojnë ndërmjet -4°C dhe -2°C.

Në pjesët perëndimore do të ketë më shumë intervale me diell, ndërsa lindja do të përballet me vranësira dhe mundësi për reshje të lehta bore herë pas here. Të martën, moti do të dominohet nga vranësirat, por temperaturat maksimale do të shënojnë një rritje të lehtë, duke arritur në 0°C deri në 2°C.

Era e lehtë dhe mesatare veriperëndimore do të fryjë të hënën me shpejtësi 3-8 m/s, ndërsa të martën do të ndryshojë drejtimin në jug, duke fryrë me 1-4 m/s, sipas Mendimit për Motin.