Reshje bore të parashikuara javën e ardhshme në Shqipëri

Moti gjatë fundjavës pritet të shënojë disa ndryshime në vend.

Të shtunën, vranësirat do të dominojnë pjesën më të madhe të territorit, por herë pas here do të ketë hapësira për diell. Në zonat malore, mbrëmja mund të sjellë reshje të lehta dëbore.

Temperaturat do të ulen, me minimumet që zbresin në -2°C dhe 2°C, ndërsa maksimalet arrijnë 4°C deri në 6°C. Era do të fryjë nga verilindja me shpejtësi 3-8 m/s.

Dita e diel pritet të ketë më shumë kthjellime dhe intervale me diell, duke e bërë motin më stabil. Në fillim të javës së ardhshme, megjithëse moti do të jetë i kthjellët, temperaturat do të mbeten të ulëta.

Minimalet mund të zbresin deri në -7°C dhe -8°C, ndërsa maksimalet do të jenë midis 3°C dhe 4°C. Ditën e mërkurë, mund të ketë reshje të lehta dëbore, ndërkohë që era do të vazhdojë të fryjë me ritëm të lehtë dhe mesatar nga verilindja dhe lindja.