Nënkryetarja e Kuvendit të Kosovës, Emilija Rexhepi, ka shprehur mbështetjen për qeverinë “Kurti”, duke theksuar se do ta votojë atë, megjithëse mbetet të shihet nëse formimi i saj do të realizohet.
Ajo nuk ka komentuar kërkesën e deputetes boshnjake, Duda Balje, për krijimin e komunës boshnjake si kusht për mbështetje. Ndërkohë, Kryeministri në detyrë, Albin Kurti, ka konfirmuar se 26 tetori është afati i fundit për prezantimin e kabinetit të ri qeveritar.
Ai njoftoi se gjatë javës do të fillojnë diskutimet për formimin e qeverisë së re. Kurti theksoi se, nëse nuk arrihet formimi i qeverisë, ai është i gatshëm për zgjedhje të reja, duke përgatitur planet për “qeverinë Kurti 3”.
Rexhepi, në deklaratat e saj, nuk preferoi të përfshihet në debatet për kërkesat specifike të Baljes apo Shehollit, duke sugjeruar që çështja të trajtohet nga institucionet përkatëse.
Leave a Reply