Rezultatet nga Qendrat Komunale të Numërimit po shpalosin përbërjen e re të Kuvendit të Kosovës, duke sjellë ndryshime të rëndësishme në radhët e partive.
Lëvizja Vetëvendosje ka arritur të sigurojë 56 ulëse, një rritje nga 48 në legjislaturën e kaluar. Në anën tjetër, Partia Demokratike e Kosovës ka pësuar një rënie të lehtë, duke zbritur në 23 ulëse, ndërsa Lidhja Demokratike e Kosovës ka humbur pesë mandate, duke mbetur me 15.
Aleanca për Ardhmërinë e Kosovës ka fituar 6 ulëse, dy më pak se më parë, pasi garoi e vetme këtë herë. Ndërkohë, Nisma Socialdemokrate nuk ka arritur të kalojë pragun zgjedhor, duke mbetur jashtë Kuvendit.
Në listën e Lëvizjes Vetëvendosje janë emra të rinj si Andin Hoti dhe Alban Bajrami, ndërsa disa figura të vjetra mungojnë. PDK-ja sjell në Kuvend Arian Tahirin dhe Arben Mustafën, ndërsa largohen ish-kryetari Memli Krasniqi dhe të tjerë.
LDK-ja prezanton Ukë Rugovën dhe Janina Ymerin, por humbet disa deputetë të njohur. Në AAK, Besnik Tahiri dhe Albana Bytyqi janë ndër emrat që do të përfaqësojnë partinë.
Leave a Reply