Që nga fillimi i procesit të rinumërimit më 13 janar 2026, janë shqyrtuar 382 nga 914 vendvotime.
Ky proces është përmbyllur në disa komuna si Deçani, Gjakova, Gllogoci, Gjilani, e të tjera, ndërsa aktualisht po vazhdon në Prizren. Në total, 19 komuna e kanë përfunduar këtë fazë.
Komisioni Qendror i Zgjedhjeve ka vendosur që në 10 komuna të kryhet rinumërimi i plotë i vendvotimeve, ndërsa në 28 komuna të tjera të rinumërohet 10% e tyre. Për të përshpejtuar procesin, në Qendrën e Numërimit dhe Rezultateve, numri i ekipeve është rritur nga 20 në 26.
Rezultatet do të publikohen në platformën e KQZ-së pas përfundimit të numërimit të çdo vendvotimi. Kjo nismë është pjesë e përpjekjeve për të siguruar transparencë dhe saktësi në procesin zgjedhor.
Leave a Reply