Rrezarta Krasniqi, kandidate për deputete e LDK-së nga Vushtrria, ka ndarë një përvojë personale tronditëse gjatë një interviste në “Infokus Live”.
Ajo tregoi për dhunën e pësuar nga familja e saj gjatë konfliktit në Kosovë. Krasniqi përshkroi momentin kur forcat serbe arrestuan babain e saj para syve të familjes.
Sipas saj, ushtarët serbë e kishin marrë atë, vëllanë dhe axhën, duke lënë vetëm gjyshin me pjesën tjetër të familjes. Ajo përmendi se babai ishte rrahur aq keq sa që kur u kthye në shtëpi, ishte i panjohshëm për të.
Ajo shtoi se babai ishte akuzuar për dërgimin e bukës për luftëtarët e UÇK-së, pasi iu gjetën disa trosha në makinë. Krasniqi theksoi se kjo përvojë e rëndë e ka motivuar të angazhohet për të mirën e vendit të saj.
Leave a Reply