Nga fillimi i janarit, qytetarët do të përballen me rritje të tarifave të ujit, pas vendimit të Autoritetit Rregullator të Shërbimeve të Ujit, bazuar në kërkesat e kompanive rajonale të ujësjellësit.
Në Prishtinë, tarifa për konsumatorët shtëpiak do të ngrihet nga 44 cent në 63 cent për metër kub, ndërsa në Prizren nga 38 cent në 56 cent. Peja, Mitrovica, Gjakova, Ferizaj dhe Gjilani do të përballen gjithashtu me rritje të ngjashme.
Autoriteti Rregullator ka deklaruar se rritja e çmimeve është e nevojshme për të mbuluar kostot e larta të energjisë elektrike dhe zgjerimin e rrjetit. Megjithatë, shumë qytetarë shprehen të pakënaqur dhe të painformuar për këto ndryshime, duke theksuar se rritja e çmimeve po ndodh në shumë fusha.
Ekspertët e ekonomisë, si Lulzim Beqiri, sugjerojnë se arsyetimet për rritjen e tarifave nuk janë të mjaftueshme, dhe se institucionet duhet të mbikëqyrin më mirë autoritetet rregullative për të mbrojtur qytetarët. Kompanitë e ujësjellësit kanë konfirmuar kërkesën për rritje të tarifave, duke përmendur kostot e shtuara nga tregu i lirë i energjisë.
Leave a Reply