Me rastin e fillimit të Muajit të Ndërgjegjësimit Kundër Kancerit të Gjirit, Ministria e Shëndetësisë së Kosovës ka nisur një fushatë të re sensibilizuese në bashkëpunim me Institutin Kombëtar të Shëndetësisë Publike.
Ministri në detyrë, Arben Vitia, theksoi rëndësinë e kontrolleve të rregullta dhe përdorimin e mamografisë për zbulimin e hershëm të kancerit të gjirit, duke e cilësuar këtë si kyç për parandalim dhe trajtim efektiv. Vitia vuri në dukje se vitin e kaluar është arritur një rekord në numrin e ekzaminimeve me mamografi, me mbi 1500 raste të kontrolluara në nivelin tretësor shëndetësor, duke mundësuar diagnostikimin e hershëm.
Ai gjithashtu nënvizoi se ndërgjegjësimi dhe vetëkontrolli mbeten thelbësore në luftën kundër kësaj sëmundjeje. Ministri shprehu optimizëm, duke theksuar përmirësimet në zbulimin e hershëm gjatë viteve të fundit.
Leave a Reply