Në dekadën e fundit, ekonomia e Kosovës ka përjetuar periudha të ndryshme të zhvillimit, përfshirë rritje, stagnim dhe kriza.
Edhe pse statistikat zyrtare tregojnë përmirësim në disa indikatorë ekonomikë, qytetarët vijojnë të shprehin shqetësime për standardin e jetesës. Në vitin 2025, ekonomia e Kosovës u rrit me 3.9%, ndërsa për këtë vit, Banka Qendrore parashikon një rritje prej 4.1%.
Ky progres mbështetet kryesisht te konsumi privat, rimëkëmbja e eksporteve dhe ulja e inflacionit. Pas pandemisë COVID-19 dhe tensioneve në Ukrainë, rritja e çmimeve të produkteve bazë ka qenë një sfidë e vazhdueshme.
Shumë qytetarë ndjejnë se fuqia e tyre blerëse është dobësuar, me pagat që nuk arrijnë të mbulojnë shpenzimet e nevojshme. Për të zbutur inflacionin, qeveria ka rritur pagat në sektorin publik dhe ka nisur platformën “Superpuna” për të mbështetur sektorin privat.
Megjithatë, ekonomistët theksojnë se këto masa nuk kanë përmirësuar ndjeshëm jetesën për shkak të inflacionit të lartë. Ndërkohë, remitancat e diasporës mbeten thelbësore për ekonominë, duke ulur varfërinë dhe rritur konsumin, ndërsa investimet e huaja janë parësore për zhvillimin ekonomik.
Leave a Reply