Në Gjykatën Themelore të Prishtinës u mbajt seanca për vrasjen e Liridona Ademaj, me të akuzuarit Naim Murseli, Granit Plava dhe Kushtrim Kokalla.
Seanca e radhës është caktuar për 12 dhjetor, pasi ajo e pasdites së së hënës u shty. Gjatë seancës së paradites u lexua dëshmia e Shaban Murselit, babait të të akuzuarit Naim Murseli, e dhënë më parë në prokurori.
Dëshmia përmbante detaje për marrëdhënien e Naimit dhe Liridonës, të cilët kishin jetuar në Suedi para se të ktheheshin në Kosovë. Shaban Murseli tregoi se ishte njoftuar për vrasjen nga djali tjetër, Mërgimi, dhe se familja ishte tronditur nga ngjarja.
Ai përmendi edhe çështje të tjera si ftohja e marrëdhënieve të Naimit me disa të afërm dhe disa probleme të kaluara. Shaban Murseli gjithashtu mohoi të ketë pasur ndonjëherë armë dhe u shpreh se i urrente armët dhe dhunën.
Ai theksoi se Naimi nuk kishte pasur telashe në Suedi apo Kosovë. Fëmijët e Naimit janë aktualisht në Cërmjan dhe pritet të dërgohen në Suedi.
Leave a Reply