Procesi gjyqësor ndaj ministres në detyrë të Industrisë, Ndërmarrësisë dhe Tregtisë, Rozeta Hajdari, si dhe të tjerëve të përfshirë në skandalin e rezervës shtetërore, ka nisur pa praninë e dy të akuzuarve kryesorë, Hajdari dhe Ridvan Muharremi.
Në seancën e zhvilluar ishin të pranishëm vetëm Irfan Lipovica dhe Hafiz Gara. Prokuroria Speciale ka ngritur aktakuzë më 11 nëntor kundër Hajdarit, Lipovicës, Garës dhe Muharremit.
Hajdari, Lipovica dhe Gara akuzohen për keqpërdorim të pozitës zyrtare dhe zbulim të fshehtësisë shtetërore, ndërsa Muharremi për ndihmë në keqpërdorim. Sipas akuzës, gjatë shkurtit dhe marsit 2022, të pandehurit kanë keqpërdorur detyrat zyrtare, duke shkaktuar një dëm prej 2,912,134.78 euro ndaj buxhetit të Kosovës, dhe kanë zbuluar sekrete shtetërore Muharremit.
Arrestime u kryen në gusht 2023, pasi dolën në dritë audio-incizime që pretendonin se rezervat e kontraktuara nuk kishin mbërritur kurrë. Ndërkohë, Kryeministri Albin Kurti ka mbrojtur Hajdarin, duke mohuar ekzistencën e korrupsionit.
Kurti refuzoi të paraqitej në Prokurori, duke kërkuar që intervistimi të bëhej në zyrën e tij.
Leave a Reply