Seanca për Erion Veliajn shtyhet për një datë të mëvonshme

Të premten u zhvillua seanca paraprake për Erion Veliajn, kryebashkiakun e Tiranës, e cila u shty për më 12 dhjetor.

Në këtë seancë, GJKKO-ja do të vendosë nëse çështja duhet të kalojë për gjykim ose t’i kthehet SPAK-ut për hetime të mëtejshme. Euronews.al raporton se deri tani, Erion Veliaj, Ajola Xoxa dhe disa biznesmenë ende nuk kanë paraqitur mbrojtjen e tyre dhe do të dëgjohen në seancën e ardhshme.

Ndryshe nga seanca e mëparshme më 2 dhjetor, Veliaj nuk ishte prezent personalisht këtë herë, por u përfaqësua nga avokati i tij. Në seancën e kaluar, ai ishte i pranishëm dhe kërkoi kohë për të shqyrtuar aktet, kërkesë që u pranua nga gjykata.

Veliaj ka shprehur shqetësimin se nuk ka pasur mundësi të kuptojë akuzën dhe të përgatitet për mbrojtje, duke theksuar se e drejta e tij për mbrojtje efektive është shkelur në mënyrë të vazhdueshme.