Kryeministri Edi Rama ka bërë të ditur se deri në fund të vitit 2025 do të hapen për qarkullim 6 kilometrat e parë të superstradës Tiranë-Durrës.
Në një postim në rrjetet sociale, Rama theksoi se punimet për zgjerimin e këtij aksi me dy korsi kanë përparuar ndjeshëm. Kryeministri sqaroi se përfundimi i dy fazave të para të punimeve do të lehtësojë dukshëm trafikun e automjeteve, duke i dhënë një hyrje të re dhe të denjë kryeqytetit.
Ai gjithashtu nënvizoi se projekti do të vazhdojë me realizimin e elementëve të tjerë të parashikuar, duke synuar përfundimin e plotë të kësaj vepre infrastrukturore shumë të pritur. Kjo hapje e pjesës së parë të superstradës është një hap i rëndësishëm drejt përmirësimit të rrjetit rrugor në vend, duke adresuar nevojat e qarkullimit dhe duke përmirësuar lidhjen mes dy qyteteve kryesore të Shqipërisë.
Leave a Reply