Një tentativë grabitjeje e armatosur ndodhi të hënën pasdite në rrugën “Xheladin Hana” në Prishtinë, ku dy individë të maskuar u përpoqën të sulmonin një automjet që transportonte para.
Edhe pse të armatosur, ata nuk arritën të marrin ndonjë shumë parash. Policia e Kosovës, që mbërriti shpejt në vendngjarje, sekuestroi një predhë të armës së zjarrit që besohet se është përdorur gjatë incidentit.
Hetimet janë duke u zhvilluar në përpjekje për të identifikuar dhe arrestuar të dyshuarit, të cilët janë ende në arrati. Zëdhënësja e Prokurorisë, Kaltrina Shala, konfirmoi se prokurori i shtetit është përfshirë në hetim dhe po ndërmerren të gjitha masat e nevojshme për arrestimin e të dyshuarve, të cilët akuzohen për tentativë grabitjeje dhe mbajtje të paautorizuar të armëve.
Edhe zëdhënësi i Policisë së Prishtinës, Enis Pllana, njoftoi se fatmirësisht nuk pati të lënduar nga të shtënat. Hetimet vazhdojnë për të sqaruar plotësisht rrethanat e ngjarjes.
Leave a Reply