Eksperti amerikan Daniel Serwer ka ngritur shqetësime mbi qëndrimin e Listës Serbe ndaj Kushtetutës së Kosovës, duke e përshkruar këtë si një sfidë për vendet demokratike.
Ai theksoi se kjo parti vepron si agjent i një fuqie të huaj dhe ka akuzuar nënkryetarin e saj për organizim të një sulmi terrorist në Kosovë. Serwer gjithashtu ka vënë në pah ndikimin e drejtpërdrejtë të Serbisë në proceset zgjedhore, duke përdorur presionin dhe frikësimin për të ndikuar votuesit serbë.
Kjo, sipas tij, garanton fitoren e Listës Serbe në shumicën e zgjedhjeve ku ajo merr pjesë. Në lidhje me qasjen e qeverisë së Kosovës, ai vlerësoi përpjekjet e Kryeministrit Albin Kurti për forcimin e pozitës së tij politike përmes sfidave të përballjes me Listën Serbe.
Serwer sugjeroi se situata mund të përmirësohej nëse Beogradi do t’u lejonte qytetarëve serbë të Kosovës të votonin lirshëm, duke menduar se kështu marrëdhëniet me Prishtinën do të kishin një përmirësim të ndjeshëm.
Leave a Reply