Shtetet e Bashkuara i kanë dhuruar Kosovës një skaner mobil Rapiscan, një teknologji e avancuar prodhuar në SHBA, me vlerë prej 3 milionë dollarësh, për të përmirësuar sigurinë kufitare.
Kjo pajisje do të ndihmojë në parandalimin e trafikimit të paligjshëm dhe në mbrojtjen kundër përhapjes së mallrave të falsifikuara, duke forcuar bizneset në të dy vendet, sipas deklaratës së Ambasadës Amerikane në Kosovë. Ceremonia e inaugurimit u zhvillua në pikëkalimin kufitar në Merdarë, ku morën pjesë përfaqësues të lartë si e ngarkuara me punë e Ambasadës së SHBA, Anu Prattipati, dhe ministrat në detyrë Xhelal Sveçla dhe Hekuran Murati, si dhe Drejtori i Doganës, Agron Llugaliu.
Skanerët Rapiscan, përdorur gjerësisht në pika të ndryshme si doganat dhe aeroportet, janë të njohur për aftësinë e tyre të zbulimit të armëve, drogës, kontrabandës dhe mallrave të fshehura. Teknologjia e tyre me rreze X dhe softuerët e avancuar analizues sigurojnë identifikimin efektiv të materialeve dhe objekteve të ndryshme.
Leave a Reply