Shtetet e Bashkuara të Amerikës kanë pezulluar Dialogun Strategjik me Kosovën, duke shprehur shqetësime ndaj qeverisë së kryeministrit në detyrë Albin Kurti.
Ish-ndihmës Sekretari Amerikan i Shtetit për Evropë dhe Euroazi, Daniel Fried, e cilëson këtë veprim si një paralajmërim për shenjat e autoritarizmit dhe politikat e tij ndaj komunitetit serb. Ky vendim, sipas Fried, është serioz por jo i pakthyeshëm.
Ai sugjeron se Kosova duhet të përforcojë marrëdhëniet me Bashkimin Evropian për të luftuar agresionet e Serbisë, të cilat shpesh akuzohen për ndjekjen e “manualit rus”. Në lidhje me marrëdhëniet SHBA–Serbi, Fried vëren se Uashingtoni tregon gatishmëri për presion ndaj Beogradit, ndërsa strategjia e presidentit serb Vuçiç për të balancuar mes Perëndimit dhe Rusisë mund të jetë më pak efektive në të ardhmen.
Fried gjithashtu thekson se mungesa e një ambasadori amerikan në Prishtinë është më shumë rezultat i ngadalësisë në emërime dhe nuk reflekton domosdoshmërisht probleme në marrëdhëniet dypalëshe.
Leave a Reply