Ekonomisti dhe opinionisti Shenoll Muharremi ka shprehur mbështetjen e tij për Bedri Hamzën e Partisë Demokratike të Kosovës si kryeministër të ardhshëm të vendit, duke theksuar se në këtë periudhë krize, Hamza është zgjedhja më e përshtatshme.
Muharremi ka deklaruar se mbështetja e tij është e bazuar në vlerësime profesionale dhe patriotike, dhe nuk ka asnjë lidhje me ndonjë interes personal ose lobim për ndonjë parti. Ai ka bërë thirrje për një ndryshim të drejtimit politik dhe ekonomik të Kosovës, duke kërkuar gjithashtu korrigjime nga Lëvizja Vetëvendosje.
Sipas tij, qetësia, stabiliteti dhe funksionaliteti janë thelbësore pas krizave të fundit, dhe për këtë arsye ai mbështet Hamzën si kryeministër. Muharremi ka vlerësuar gjithashtu listën e Lidhjes Demokratike të Kosovës si më kompetenten në këto zgjedhje dhe ka përmendur se kjo listë, së bashku me partitë e tjera, mund të kontribuojë në përballimin e sfidave aktuale në vend.
Leave a Reply