Prokuroria Speciale e Republikës së Kosovës ka ngritur një aktakuzë kundër Shpend Ahmetit, i cili akuzohet për mosdeklarim dhe raportim të rremë të pasurisë.
Sipas pretendimeve, gjatë periudhës 2018-2022, kur Ahmeti ishte Kryetar i Komunës së Prishtinës, ai nuk ka deklaruar një shumë prej 172,600 eurosh, të cilat i kishte depozituar personalisht. Ky veprim konsiderohet si shkelje e ligjit për deklarimin e pasurisë, të ardhurave dhe detyrimeve financiare.
Çështja është dërguar në Departamentin Special të Gjykatës Themelore të Prishtinës për shqyrtim të mëtejshëm. Prokuroria thekson se Ahmeti ka vepruar me qëllim duke paraqitur deklarata të pasakta në lidhje me pasurinë e tij, duke fshehur kështu fondet e përmendura.
Leave a Reply