Një shqiptar u arrestua nga autoritetet kroate pasi u kap me më shumë se 700 mijë euro të padeklaruara, duke shënuar një nga sekuestrimet më të mëdha të parave të gatshme në kufijtë e Kroacisë.
Gjatë një kontrolli në pikën kufitare Karasoviq, oficerët doganorë, së bashku me policinë, zbuluan shumën prej 702,435 eurosh të fshehura në një automjet të drejtuar nga shtetasi shqiptar. Sipas Doganës së Kroacisë, shoferi nuk kishte përmbushur detyrimet ligjore për të deklaruar shumën në Administratën Doganore apo Policinë Kufitare, as me shkrim dhe as në mënyrë elektronike.
Si rezultat, paratë u sekuestruan dhe individi u arrestua nën dyshimin për kontrabandë, duke u vendosur në paraburgim. Ky rast nënvizon përpjekjet e përbashkëta të autoriteteve kroate për të parandaluar aktivitete të tilla të paligjshme në kufijtë e vendit.
Leave a Reply