Kryeministri i Kosovës në detyrë, Albin Kurti, ka njoftuar se qeveria e ardhshme do të ndërmarrë masa për përmirësimin e gjendjes ekonomike, duke përfshirë pagesën e 13-të për të gjithë shërbyesit civilë, e cila pritet të nisë nga viti 2026.
Rrahman Jasharaj, kryetar i Sindikatës së Bashkuar të Arsimit, Shkencës dhe Kulturës, shprehet se kjo pagesë do të ishte mbështetje e mirëseardhur për punëtorët e arsimit, por thekson rëndësinë e nënshkrimit të kontratës kolektive, duke kërkuar një qasje më bashkëpunuese nga qeveria e re. Ndërkohë, Tevide Imeri nga Federata Sindikale e Shëndetësisë, vlerëson pagën e 13-të si hap pozitiv, por thekson nevojën për trajtim urgjent të problemeve në sektorin e shëndetësisë, që deri më tani ka qenë i anashkaluar.
Ali Gashi, kryetar i Sindikatës së Pavarur të Administratës së Kosovës, kërkon rritje të koeficientit të pagave për 50% dhe ndryshime ligjore, duke e parë pagën e 13-të si të pamjaftueshme për përmbushjen e kërkesave të tyre.
Leave a Reply