Kryeministri në detyrë i Kosovës, Albin Kurti, ka shprehur mirënjohjen e tij për njohjen e shtetit të Kosovës nga Siria, duke vlerësuar përpjekjet e presidentes Vjosa Osmani dhe të gjithë të përfshirëve në këtë proces të rëndësishëm.
Në një mesazh të publikuar në platformën “X”, Kurti ka theksuar se njohja e Kosovës nga Siria e çon numrin e shteteve që e njohin në 120. Ai ka shprehur pritshmëri për forcimin e marrëdhënieve ndërkombëtare ndërsa Kosova hyn në një fazë të re dhe domethënëse të historisë së saj.
Siria, një vend i Lindjes së Mesme, zyrtarisht e njohu pavarësinë e Kosovës të mërkurën. Ky hap është parë si një zhvillim i rëndësishëm për Kosovën, që synon të zgjerojë praninë dhe njohjen e saj në arenën ndërkombëtare.
Leave a Reply