Në balotazhin për kryetar të Prishtinës, Përparim Rama ka marrë mbështetje të konsiderueshme nga votuesit e kandidatëve të raundit të parë.
Sipas Valon Fekës, drejtues i UBO-së, një përqindje e madhe e votuesve të Uran Ismailit, kandidatit të PDK-së, kanë shprehur përkrahje për Ramën. Konkretisht, 77.4% e tyre e kanë votuar Ramën, ndërsa 22.6% kanë zgjedhur Hajrulla Çekun.
Ndërkohë, nga mbështetësit e Beke Berishës, 58.4% kanë votuar për Ramën, kurse 41.6% kanë përkrahur Çekun. Po ashtu, 63.1% e votuesve të Besa Shahinit kanë mbështetur Ramën, ndërsa 36.9% kanë zgjedhur Çekun.
Këto të dhëna tregojnë një tendencë të qartë të votuesve të mëparshëm për të mbështetur Përparim Ramën në këtë fazë të zgjedhjeve.
Leave a Reply