Ministrja për Evropën dhe Punët e Jashtme e Shqipërisë, Elisa Spiropali, u takua me homologun e saj kroat, Gordan Grlić Radman, për të diskutuar mbi forcimin e marrëdhënieve dypalëshe dhe bashkëpunimin rajonal.
Gjatë bisedimeve, u theksua rëndësia e zhvillimit të një bashkëpunimi të ri institucional, përfshirë përgatitjet për Mbledhjen e Parë Ndërqeveritare dhe aktivizimin e Komisionit të Përbashkët për Marrëdhënie Ekonomike. Një fokus i veçantë iu kushtua përmirësimit të konektivitetit në Ballkan, veçanërisht në fushën e infrastrukturës dhe energjisë.
Gjithashtu, u diskutua për bashkëpunimin në siguri përmes marrëveshjes trilaterale Shqipëri-Kroaci-Kosovë. Spiropali nënvizoi mbështetjen e fortë të Kroacisë për Shqipërinë në procesin e integrimit në Bashkimin Evropian, duke e cilësuar progresin e vendit si një shembull i meritës në këtë rrugë.
Këto zhvillime synojnë të nxisin shkëmbimet tregtare dhe investimet mes dy vendeve, duke forcuar marrëdhëniet ekonomike dhe politike.
Leave a Reply