Ministrja e Punëve të Jashtme të Shqipërisë, Elisa Spiropali, ka uruar popullin e Kosovës dhe kryeministrin Albin Kurti për suksesin në zgjedhjet e fundit.
Përmes një postimi në rrjetet sociale, Spiropali theksoi se Shqipëria dhe Kosova ndajnë një qëllim të përbashkët drejt integrimit europian, duke vlerësuar bashkëpunimin dhe lidhjet e ngushta mes dy vendeve. Ajo shprehu përgëzime për qytetarët e Kosovës për zhvillimin e zgjedhjeve me maturi dhe përgjegjësi, duke e konsideruar këtë si një tregues të pjekurisë demokratike.
Gjithashtu, Spiropali përgëzoi Lëvizjen Vetëvendosje dhe Albin Kurtin për besimin e marrë nga zgjedhësit, si dhe të gjithë spektrin politik për përpjekjet në fushatë. Në mesazhin e saj, ministrja theksoi se ajo që i bashkon të dy vendet është më e madhe se çdo kufi, duke nënvizuar rëndësinë e bashkëpunimit të mëtejshëm në rrugën drejt integrimit në Bashkimin Europian.
Leave a Reply