Në kampin e Novosellës, personeli i aviacionit të Ushtrisë Amerikane të KFOR-it, së bashku me ushtarë nga Lituania, Danimarka, Turqia, Finlanda dhe Gjermania, morën pjesë në një trajnim të përbashkët me ngarkesë me litar.
Ky trajnim synon të përmirësojë aftësitë e njësive të aviacionit për transportimin e shpejtë dhe të sigurt të furnizimeve në situata të vështira, duke rritur efikasitetin operativ dhe bashkëpunimin ndërkombëtar. Sipas një njoftimi të KFOR-it, këto aktivitete janë thelbësore për të siguruar që forcat të jenë gjithmonë të gatshme për misione dhe të afta t’i përgjigjen sfidave logjistike në mënyrë efektive.
Trajnimi është pjesë e përpjekjeve për të ruajtur një ambient të sigurt për të gjithë banorët e Kosovës. KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së, duke kontribuar në sigurinë dhe lirinë e lëvizjes për të gjithë në Kosovë.
Leave a Reply