Nënkryetari i OVL-UÇK-së, Gazmend Syla, ka shprehur shqetësimin e tij pas zgjedhjeve të fundit, duke theksuar se rreth gjysmë milioni vota ishin kundër UÇK-së.
Ai kritikoi ashpër listën e Lëvizjes Vetëvendosje, duke e cilësuar si një listë pa vlerë kombëtare, që nuk i ka kushtuar vëmendje luftëtarëve të luftës. Syla theksoi se kjo listë, e cila fitoi përballë tri listave të tjera plot patriotë dhe udhëheqës lufte, nuk ka treguar kurrë interes për veteranët.
Ai përmendi veçanërisht vendimin e Kuvendit për ndarjen e pensionit të veteranëve nga paga minimale, një akt që u mbështet nga Lista Serbe. Duke kritikuar më tej, Syla tha se veteranët janë lënë me një pension prej vetëm 204€, një shumë e pamjaftueshme për jetesë.
Ai akuzoi listën se preferon të paguajë mercenarë të huaj në vend të mbështetjes së luftëtarëve vendas. Në përfundim, Syla shprehu keqardhjen e tij për largimin e shtetit nga vlerat e luftës që solli lirinë.
Leave a Reply