Në një intervistë në emisionin “Jehona Politike” në Klan Kosova, kandidati i PDK-së për kryetar të Mitrovicës, Arian Tahiri, ka diskutuar rreth sulmeve të fundit propaganduese ndaj tij në rrjetet sociale.
Ai pretendon se këto sulme vijnë nga individë të afërt me kundërkandidatin e tij, Faton Pecin e LVV-së, por nuk mendon se janë të orkestruara direkt nga Lëvizja Vetëvendosje. Tahiri theksoi se në rrjete sociale janë shfaqur profile dhe faqe të rreme që synojnë ta dëmtojnë atë, dhe se ekipi i tij është duke mbledhur dëshmi për të zbuluar autorët e këtyre veprimeve.
Ai përmendi se disa nga këto faqe pretendojnë se përfaqësojnë qytetin e Mitrovicës, por në të vërtetë janë krijuar për qëllime propagandistike. Tahiri konfirmoi se ka bërë denoncime personale dhe se organet kompetente janë të angazhuara për të hetuar çështjen.
Ai shprehu bindjen se shumë shpejt do të zbulohet se kush fshihet pas këtyre profileve dhe faqeve.
Leave a Reply