Ejup Maqedonci, kandidati për deputet i Lëvizjes VETËVENDOSJE!
dhe ministri në detyrë i Mbrojtjes, zhvilloi një takim vizitë me ish-ushtarakun Rizah Ahmeti në shtëpinë e tij. Gjatë këtij takimi, ata ndanë përvoja të përbashkëta nga shërbimi i tyre në Trupat Mbrojtëse të Kosovës.
Maqedonci vuri në dukje se lidhja e tyre nuk kufizohet vetëm në aspektin profesional, por përfshin edhe një përkushtim të përbashkët ndaj zhvillimit të Republikës së Kosovës. Ai shprehu besimin e tij te mbështetja e gjerë qytetare për VETËVENDOSJE!-n, duke theksuar rëndësinë e angazhimit në zgjedhjet e ardhshme.
Duke apeluar për një mobilizim të gjerë, Maqedonci ritheksoi përkrahjen për kryeministrin Albin Kurti dhe listën zgjedhore të Lëvizjes VETËVENDOSJE!. Ai gjithashtu vlerësoi mbështetjen e Rizah Ahmetit, duke e cilësuar atë si një mbështetje të rëndësishme për fitoren e ardhshme.
Leave a Reply