Ministri në detyrë i Infrastrukturës, Hysen Durmishi, është vënë në qendër të vëmendjes pas publikimit të një videoje nga VOX Kosova.
Videoja, e cila besohet të jetë regjistruar mbi një vit më parë, tregon një takim mes Durmishit dhe një përfaqësuesi të familjes Shabani, pronarë të kompanisë “Bageri”. Kjo kompani ka përfituar tenderë të rëndësishëm nga ministria që Durmishi drejtonte.
Një muaj para zgjedhjeve të jashtëzakonshme në Kosovë, “Bageri Sh.P.K.” ka fituar një kontratë për mirëmbajtjen dimërore të rrugëve me vlerë 559,664 euro. Kjo kontratë është dhënë në formën njëburimore, ku kompania ishte e vetmja ofertues.
VOX Kosova ka kërkuar komente nga Leutrim Shabani, pronari aktual i kompanisë, dhe nga Durmishi, por të dy kanë zgjedhur të mos japin përgjigje. Ndërkohë, lidhjet e ngushta mes Durmishit dhe familjes Shabani kanë ngritur dyshime për ndikim potencial në procesin e tenderimit, duke kërkuar transparencë dhe llogaridhënie.
Leave a Reply