Kryetari i Komunës së Obiliqit, Halil Thaçi, ka marrë një hap simbolik në nder të Ditës së Pavarësisë së Kosovës, 17 Shkurtit, duke dhuruar veturën e tij zyrtare për Organizatën e Veteranëve të Luftës së Ushtrisë Çlirimtare të Kosovës.
Ky veprim u aprovua njëzëri nga Kuvendi Komunal i Obiliqit, me 19 vota në favor dhe asnjë kundër. Kjo nuk është nisma e vetme e Thaçit.
Ai ka njoftuar gjithashtu se është hequr taksa prej 10 eurosh që u ngarkohej qytetarëve për paraqitjen e ankesave lidhur me shkeljet ligjore dhe të rendit. Vendimi i fundit synon të lehtësojë procedurat për qytetarët dhe të inkurajojë denoncimin e shkeljeve.
Këto masa pasqyrojnë përpjekjet e kryetarit për të promovuar transparencën dhe mbështetjen ndaj komunitetit në Obiliq.
Leave a Reply