Trajneri i Dritës, Zekirija Ramadani, ka shfaqur optimizëm përpara përballjes me FC Malishevën në kuadër të Javës së nëntë të Superligës së Kosovës.
Kjo ndeshje do të zhvillohet të shtunën, më 18 tetor, në orën 13:00, në “Stadiumin Sintetik – te Rrethi”, ku Drita do të jetë nikoqire. Në një konferencë për media, Ramadani e vlerësoi lartë ekipin e Malishevës, duke theksuar se ata kanë një skuadër të fuqishme dhe konkurruese edhe në arenën evropiane.
Ai përmendi se Drita ka analizuar me kujdes Malishevën dhe shpreson për një rikthim të suksesshëm pas pushimit për ndeshjet e kombëtareve. Ndërkohë, mbrojtësi i Dritës, Raddy Ovouka, ka pohuar se forma aktuale e ekipit është e shkëlqyer dhe synimi është të vazhdojnë me të njëjtin ritëm.
Sipas tij, paraqitjet e fundit kanë qenë të jashtëzakonshme, duke shfaqur besim në vazhdimësinë e suksesit.
Leave a Reply