Traktati Shqipëri-Greqi: Diskutime për një marrëveshje të re

Shqipëria dhe Greqia po shqyrtojnë mundësinë e nënshkrimit të një traktati të ri miqësie, pasi ai i vitit 1996 ka përfunduar në vitin 2016.

Eurodeputeti Fredi Beleri, gjatë një interviste për emisionin “Off the Record” në A2 CNN, konfirmoi se traktati aktual është ende në fuqi dhe pritet të rinovohet. Beleri shpjegoi se megjithëse marrëveshja e vitit 1996 duhej të përfundonte, ajo është zgjatur për shkak të një klauzole që e lejon këtë.

Gjithashtu, Beleri u shpreh mbi ligjin e luftës së Greqisë ndaj Shqipërisë, duke theksuar se de facto ky ligj nuk ekziston që nga një vendim i qeverisë greke në vitin 1985. Megjithatë, Shqipëria vazhdon të kërkojë zgjidhjen e kësaj çështjeje me qëllim që të formalizohet heqja e tij.

Sipas Belerit, ky ligj është një absurditet që duhet adresuar, pasi zyrtarët e të dy vendeve kanë deklaruar shpesh se është koha për zgjidhjen e tij.