Policia e Komunikacionit në Ferizaj ka ndërmarrë masa të ashpra ndaj tre shoferëve që kanë shkelur rëndë rregullat e trafikut.
Në datën 8 janar, në Prelez të Muhaxherëve, një drejtues automjeti 27-vjeçar, K.K., u ndalua pasi voziste në kundërshtim me ndalesën e vozitjes. Ai mori një gjobë prej 500 euro dhe i janë hequr 5 pikë nga leja e tij e vozitjes, me ndalim shtesë për 6 muaj.
Një ditë më vonë, policia ndaloi në Babush një shofer tjetër, A.G., 31 vjeç, i cili drejtonte mjetin nën ndikimin e alkoolit. Përqindja e alkoolit në gjak ishte 0.74%, duke i sjellë një gjobë prej 200 euro dhe ndalim të vozitjes për 3 muaj.
Po ashtu, në të njëjtën ditë, B.I., një 18-vjeçar, u kap duke kryer manovra të rrezikshme pa patentë shoferi në rrugën “Cen Dugolli”. Ai u ndëshkua me 150 euro gjobë dhe u nis procedura gjyqësore.
Policia e Ferizajt ka theksuar se do të vazhdojë me kontrolle të rregullta për të forcuar sigurinë në rrugë dhe fton qytetarët për bashkëpunim.
Leave a Reply