Në një samit që synonte të forconte ndikimin amerikan në Azinë Qendrore, Presidenti i SHBA-ve, Donald Trump, priti liderët e rajonit në Shtëpinë e Bardhë, ku u prezantuan marrëveshje të rëndësishme tregtare, diplomatike dhe minerare.
Trump, i shoqëruar nga sekretari i Shtetit Macro Rubio dhe nënpresidenti JD Vance, theksoi përkushtimin e tij për të forcuar lidhjet me Azinë Qendrore, ndërsa liderët e Kazakistanit, Kirgizisë, Taxhikistanit, Turkmenistanit dhe Uzbekistanit e cilësuan këtë një epokë të re bashkëpunimi. Kazakistani njoftoi një marrëveshje minerare me SHBA-në për zhvillimin e rezervave të tungstenit, një projekt që do të menaxhohet nga Cove Kaz Capital Group me një investim prej 1.1 miliard dollarësh, ku Banka Amerikane Eksport-Import do të financojë 900 milionë dollarë të tij.
Ndër të tjera, është arritur edhe një marrëveshje për shitjen e avionëve Boeing për disa linja ajrore të rajonit. Samiti erdhi pas një pauze të mosmarrëveshjeve tregtare SHBA-Kinë dhe përpjekjeve të tjera globale për të forcuar marrëdhëniet me Azinë Qendrore, e cila përbën një burim të rëndësishëm për mineralet strategjike dhe energji të gjelbër.
Leave a Reply