Presidenti amerikan, Donald Trump, ka riaktivizuar interesin për Grenlandën, duke e cilësuar këtë territor si një çështje me rëndësi strategjike për sigurinë kombëtare të SHBA-së.
Pavarësisht se nuk ka bërë ende një ofertë financiare për Danimarkën, Trump deklaroi se është i hapur për të diskutuar mbi këtë temë në të ardhmen. Gjatë një deklarate, presidenti paralajmëroi se SHBA-ja ka në plan të veprojë në lidhje me Grenlandën, pavarësisht nëse Danimarka është dakord apo jo.
Sipas tij, nëse SHBA nuk ndërmerr hapa, ekziston rreziku që Rusia ose Kina të fitojnë ndikim në ishull. Nga ana tjetër, Danimarka ka bërë të qartë se nuk ka ndërmend ta shesë Grenlandën dhe do ta mbrojë me çdo kusht.
Analistët e sigurisë e interpretojnë interesimin e SHBA-së si një përpjekje për të kufizuar ndikimin rus dhe kinez në rajonin arktik.
Leave a Reply