UEFA ka vendosur një gjobë prej 20 mijë eurosh ndaj Shkëndijës së Tetovës dhe ka urdhëruar mbylljen e pjesshme të një sektori tifozësh në stadium për ndeshjen e ardhshme si vendas në Ligën e Konferencës.
Ky vendim u bë i ditur nga klubi përmes një postimi në Facebook. Shkëndija u ndëshkua pas incidentit në ndeshjen kundër Shelbourne, ku tifozët shpalosën banderola që nuk përputheshin me rregullat sportive.
Klubi ka pranuar këtë vendim nga Trupi i Kontrollit, Etikës dhe Disiplinës së UEFA-s. Përveç gjobës, sektori 11 i stadiumit do të mbyllet për një ndeshje të ardhshme.
Klubi rithekson përkushtimin ndaj rregullave të UEFA-s dhe kundërshton çdo formë diskriminimi. Gjithashtu, Shkëndija synon të bashkëpunojë me tifozët për të siguruar një atmosferë të sigurt dhe pozitive në ndeshje.
Ndeshja e radhës si vendas do të zhvillohet më 6 nëntor kundër Jagiellonias së Polonisë.
Leave a Reply