Gazetari Lirim Mehmetaj ka kritikuar vendimin e Universitetit të Prishtinës për të nderuar deputetin Albin Kurti dhe presidenten Vjosa Osmani me tituj për ‘arritje të larta në vend dhe në botë’.
Ai e cilëson këtë veprim si një skandal dhe turp për institucionin. Mehmetaj shprehet i habitur nga ky vendim, duke përmendur disa çështje të cilat, sipas tij, vënë në pikëpyetje arritjet e përmendura.
Ndër këto, ai thekson shkeljen e Kushtetutës 12 herë, mosrespektimin e organeve të drejtësisë, bllokimin institucional, dhe mungesën e përparimit në fushën e arsimit dhe në universitet. Gazetari gjithashtu kritikon faktin që pas pesë vitesh në pushtet, nuk janë bërë përparime në arsim, duke përmendur edhe zgjedhjet e diskutueshme të deputetëve në Kuvend.
Mehmetaj e quan këtë veprim një krim dhe një përpjekje për të çuar shtetin drejt disfunksionalitetit total, duke përçmuar përpjekjet e mëparshme të disave që kanë sakrifikuar për vendin.
Leave a Reply