Klubi i Manchester City është në pritje të vendimit përfundimtar të Ligës Premier, i cili pritet të shpallet muajin e ardhshëm lidhur me akuzat që rëndojnë mbi ta.
Sipas burimeve nga The Independent, City përballet me 115 akuza, të cilat përfshijnë shkelje të rregullave financiare dhe të transaksioneve me palë të lidhura. Në një deklaratë të përbashkët, City dhe Liga Premier konfirmuan arritjen e një marrëveshjeje për të ndaluar procedurat ligjore.
City ka pranuar vlefshmërinë dhe zbatueshmërinë e rregullave aktuale të APT-së. Mes akuzave të ngritura janë 54 raste për mosdhënien e informacionit të saktë, si dhe 14 të tjera që lidhen me pagesat e lojtarëve dhe menaxherëve.
Gjithashtu, janë të përfshira edhe akuza për mosrespektimin e rregulloreve të UEFA-s, përfshirë Fair Play Financiarin. Ky rast, i cili ka tërhequr vëmendje të madhe, përmend si dënime të mundshme zbritje pikësh dhe penalizime të tjera për klubin nga Etihad.
Leave a Reply