Nezir Kraki, deputet i Lëvizjes Vetëvendosje dhe pjesëtar i Guxo, ka vlerësuar në Debat Plus se fitorja e Faton Pecit në Mitrovicë përbën një sukses të madh për Vetëvendosjen.
Kraki ka theksuar se në zgjedhjet lokale, përfshirë ato të balotazhit, Vetëvendosja ka dalë fituese. Sipas tij, Vetëvendosja, së bashku me partnerët e saj, ka arritur një fitore të qartë duke fituar tri komuna të reja dhe duke zgjeruar ndikimin e saj.
Ai e ka përshkruar suksesin në Mitrovicë si një fitore të jashtëzakonshme dhe një veprim strategjik. Në mbështetje të këtij qëndrimi, Kraki ka theksuar se Mitrovica ka një rëndësi të madhe gjeostrategjike për Kosovën, duke e quajtur këtë qytet si kryeqytetin aktual të vendit.
Ai theksoi se zhvillimet në Mitrovicë janë të rëndësishme dhe ndikojnë në rajonin më të gjerë.
Leave a Reply