Pas fitores së Real Madridit ndaj Barcelonës me rezultat 2-1 në “Santiago Bernabeu”, Vinicius Junior ka bërë një thirrje për qetësi dhe unitet mes tifozëve.
Sulmuesi brazilian u përfshi në një incident me Lamine Yamal pas ndeshjes, duke qetësuar më pas situatën me një mesazh për të gjithë mbështetësit. Vinicius, i cili u zëvendësua në pjesën e dytë, sqaroi se reagimi i tij nuk kishte të bënte me ndonjë çështje personale, por me intensitetin e lojës.
Ai theksoi rëndësinë e ruajtjes së ekuilibrit në ndeshje të tilla të tensionuara, duke shtuar se nuk kishte qëllim të ofendonte askënd. Ndërkohë, ndeshja e “El Clasico” u shoqërua edhe me përplasje të tjera, ku Dani Carvajal dhe Thibaut Courtois gjithashtu u përfshinë në debat me Yamal, duke kërkuar ndërhyrjen e arbitrit.
Me këtë fitore, Real Madrid zgjeron avantazhin në krye të La Ligas, duke u distancuar pesë pikë nga Barcelona. Golat e Kylian Mbappe dhe Jude Bellingham kontribuan në këtë sukses.
Leave a Reply