Muhamet Hamiti, anëtar i Kryesisë së Lidhjes Demokratike të Kosovës, ka shprehur shqetësimin se viti 2025 po kalon si një “vit i humbur” për Kosovën.
Këto komente ai i bëri gjatë një interviste në emisionin “Info Magazine”. Hamiti vuri në dukje se gjatë këtij viti, Kuvendi i Kosovës nuk është mbledhur për të diskutuar apo miratuar ligje, çka ka rezultuar në bllokimin e funksionimit të tij.
Ai theksoi se kjo situatë nuk është shqetësuese vetëm për LDK-në, por edhe për partnerët ndërkombëtarë të Kosovës, të cilët vazhdojnë të bëjnë thirrje për formimin e institucioneve funksionale. Sipas tij, që nga dhjetori i vitit 2024, vendi nuk ka pasur asnjë mbledhje të Kuvendit për çështje legjislative.
Ai kritikoi qeverinë aktuale, të drejtuar nga deputeti Albin Kurti, për veprimet në kundërshtim me nenin 72 të ligjit, që ndalon deputetët të ushtrojnë funksione ekzekutive.
Leave a Reply