Gjatë pesë viteve të mandatit të saj si presidente e Kosovës, Vjosa Osmani ka dhënë vetëm një falje, duke i lehtësuar dënimin një të dënuare për Rrezikim të Trafikut Publik.
Ky vendim u mor më 29 janar të vitit 2025 për të dënuarën me inicialet A.C. Ndërkohë, Shërbimi Korrektues i Kosovës raportoi se kishte proceduar 64 kërkesa për falje gjatë vitit 2025.
Ligji për Falje, i cili është në fuqi që nga viti 2009, i jep presidentit fuqinë për të falur të dënuarit, duke u bazuar në kritere specifike si pesha e krimit dhe pendimi i treguar. Pavarësisht kësaj, gjatë mandatit të saj, Osmani ka miratuar vetëm një dekret faljeje.
Zyra e Presidentes ka pranuar 60 kërkesa për falje gjatë vitit 2025, por vetëm një person është falur, ndërsa një tjetër ka marrë lirimin me kusht. Komisioni për shqyrtimin e këtyre kërkesave rekomandoi faljen për dy persona, por vetëm një u miratua nga presidentja.
Rregullorja e vendosur më 2017 përcakton procedurat për shqyrtimin e kërkesave për falje, duke kërkuar që Komisioni të marrë vendim brenda tre muajve dhe të japë rekomandimin e tij presidentit. Falja synon të nxisë risocializimin dhe sjelljen e mirë, por në praktikë, shumë kërkesa mbeten të papërfillura.
Leave a Reply