Presidenti serb, Aleksandar Vuçiq, planifikon një vizitë zyrtare në Turqi për diskutime me presidentin turk, Recep Tayyip Erdogan.
Kjo vizitë shënon fillimin e një sërë aktivitetesh diplomatike gjatë javëve të ardhshme, përfshirë pjesëmarrjen në Konferencën e Sigurisë në Mynih dhe takimin me ministrin e Jashtëm të Kinës, Wang Yi. Më 15 shkurt, Vuçiq pret në Beograd presidentin e Azerbajxhanit, Ilham Aliyev, për të diskutuar projekte energjetike, përfshirë ndërtimin e një termocentrali me gaz.
Pas kësaj, ai do të udhëtojë në Indi për një samit mbi inteligjencën artificiale dhe të zhvillojë bisedime me kryeministrin Narendra Modi. Gjatë kthimit, Vuçiq do të presë zyrtarë evropianë përpara një vizite në Kazakistan.
Vuçiq shprehu shqetësim për një aleancë ushtarake mes Prishtinës, Tiranës dhe Zagrebit, duke pretenduar se ky bashkëpunim mund të ketë qëllime ofensive. Ai gjithashtu akuzoi Kroacinë për ndërhyrje në Serbi, duke përmendur rikthimin e ideologjisë “ustashe”.
Në fushën teknologjike, Vuçiq deklaroi synimin e Serbisë për të nisur prodhimin e robotëve humanoidë brenda pesë muajve, në varësi të kapacitetit energjetik.
Leave a Reply