Presidenti serb, Aleksandar Vuçiq, deklaroi se tensionet po rriten dhe se “të gjithë po përgatiten për luftë”.
Sipas tij, Kosova po shfrytëzon këtë periudhë për të fituar mbështetjen e vendeve evropiane dhe NATO-s. Këto komente erdhën pas një pyetjeje lidhur me thirrjen e Presidentes së Kosovës, Vjosa Osmani, që Evropa të ndalojë taktikat destabilizuese të Serbisë.
Në Samitin e Komunitetit Politik Evropian në Kopenhagë, Vuçiq paralajmëroi për një konflikt të mundshëm, duke pretenduar se situata globale po përkeqësohet. Ai sqaroi se Serbia do të përpiqet të shmangë përfshirjen në luftë.
Ndërkohë, Osmani, gjatë vizitës së saj në SHBA, vuri në dukje kërcënimet që Serbia paraqet për Kosovën, duke akuzuar Beogradin për ndjekjen e taktikave të ngjashme me ato të Rusisë. Ajo bëri thirrje për ndikim perëndimor në Ballkan për të parandaluar ndërhyrjet nga Rusia, Kina dhe Irani, dhe theksoi rëndësinë e integrimit të rajonit në BE.
Leave a Reply