Ferit Idrizi, kandidati i PDK-së për kryetar të komunës së Vushtrrisë, së bashku me kryetarin e partisë, Memli Krasniqi, zhvilluan një takim me të rinjtë e kësaj komune.
Në këtë ngjarje, pjesëmarrës ishte edhe kandidatja për Kuvendin Komunal, Vlerë Tahiri. Idrizi e përshkroi këtë takim si një burim frymëzimi për të gjithë të pranishmit.
Ai theksoi se rinia është në qendër të vëmendjes së tyre, duke u angazhuar përmes bashkëpunimeve, trajnimeve dhe ofrimit të bursave për studime brenda dhe jashtë vendit. Idrizi premtoi se edhe në mandatin e ardhshëm, Vushtrria do të vazhdojë të jetë komuna që investon më së shumti në të rinjtë, duke siguruar mundësi të reja për arsim, punësim dhe zhvillim.
Ai beson se këto përpjekje do të kontribuojnë në një të ardhme më të mirë për të rinjtë e kësaj zone.
Leave a Reply