Brenda Lëvizjes Vetëvendosje kanë filluar bisedimet për mandatarin e ri, pas takimit të së premtes që krerët e partive politike zhvilluan me presidenten Vjosa Osmani.
Ky zhvillim vjen pas dështimit për të formuar qeverinë më 26 tetor. Arbër Rexhaj, duke folur në “Debat Plus” në TV Dukagjin, theksoi se zgjedhjet e parakohshme parlamentare po duken gjithnjë e më të mundshme.
Lëvizja Vetëvendosje ka bërë përpjekje për të krijuar një koalicion me Lidhjen Demokratike të Kosovës ose NISMA-n Socialdemokrate, por deri tani nuk ka pasur sukses. Rexhaj shtoi se vendimi përfundimtar i takon presidentes Osmani.
Ai konfirmoi se Kryesia e Lëvizjes Vetëvendosje do të mblidhet për të diskutuar mbi situatën dhe për mandatarin e mundshëm. Rexhaj vuri në dukje se, pavarësisht numrave në Kuvend, formimi i një qeverie duket i vështirë.
Nëse presidentja vepron institucionalisht dhe emëron mandatarin, dhe në mungesë të ndonjë ndryshimi nga partitë e tjera politike për një koalicion, zgjedhjet e reja mbeten një opsion i mundshëm.
Leave a Reply