Në emisionin Debat Plus në Dukagjin, Ramabaja deklaroi se Lëvizja Vetëvendosje (VV) mund të formojë një koalicion me Partinë Demokratike të Kosovës (PDK) nëse kjo parti përfundon si e treta në zgjedhje, raporton Dukagjini.
Ramabaja theksoi se situata e ndodhur më 9 shkurt nuk do të përsëritet dhe se zbutja e gjuhës politike është një tregues i qartë. Ai shtoi se nëse VV-ja nuk arrin të sigurojë mbi 51% të votave, do të jetë e nevojshme të krijohet një koalicion me partinë që përfundon e treta.
Gara kryesore për këtë pozitë është mes Partisë Demokratike të Kosovës dhe Lidhjes Demokratike të Kosovës. Ramabaja nuk e përjashtoi mundësinë e një marrëveshjeje koalicioni me cilëndo nga këto parti që zë vendin e tretë.
Leave a Reply